Շախմատ

IQ կենտրոնում անցկացվում են Շախմատի դասընթացներ, որտեղ երեխաները ոչ միայն սովորում են լավ Շախմատ խաղալ, այլ նաև ուսումնասիրում են շախմատի պատմությունը, ծանոթանում շախմատի աշխարհի առաջատարներին և աշխարհահռչակ շախմատիստներին։

Շախմատ խաղալը երեխայի ինտելեկտուալ և հոգեբանական զարգացման հիանալի հնարավորություն է։ Գաղտնիք չէ, որ տարրական դպրոցում  դժվարություններ ունենում են այն երեխաները, որոնք դրսևորում են ինտելեկտուալ պասիվություն և խնդիրներ լուծելու ցանկություն չունեն։

Շախմատ խաղալով երեխաները սովորում են ինքնուրույն մտածել և որոշումներ կայացնել։Նույնիսկ ամենապարզ լուծումները (օրինակ, ինչպես խաղաքարով քայլ կատարել), որոնք քիչ կորուստների կարող են հանգեցնել (վատագույն դեպքում պարտություն), երեխային սովորեցնում են պատասխանատու լինել։

Խաղային փորձությունը թույլ է տալիս հաշվի առնել ուրիշի տեսակետը, կանխատեսել նրա քայլերը և դրա հիման վրա կառուցել սեփական քայլերը։

Շախմատը ձևավորում է երեխայի հույզերը, բարոյական որակները, դաստիարակում է բնավորությունը և կամքը, իսկ ցանկացած սխալ զարգացման նոր հնարավորություն է ընձեռում։